ONTWERP & VERVAARDIGING
’n Ongewone edelsteen, die lyn van ’n steen se setting of ’n detail wat jy lank in gedagte het, kan die ontwerp in ’n heel nuwe rigting stuur. Ons verken dit saam met jou en gebruik ons ervaring as ontwerpers en vervaardigende juweliers om ’n juweel met ’n eie karakter te skep.
Reël ’n konsultasie
ONTWERP & VERVAARDIGING
Wanneer jy ’n juweel laat maak, word jy deel van die skeppingsproses. Ons help jou om die edelsteen, setting en keuse van silwer, goud of platinum te oorweeg, sodat die verhoudings en besonderhede deeglik uitgewerk is voordat vervaardiging begin.
Begin jou opdragOns begin deur te verstaan wat jou na ons gebring het: ’n bepaalde edelsteen, ’n bestaande juweel wat jy anders wil benader, of ’n idee wat jy saam met ons wil ontwikkel.
Ons gesertifiseerde 3D-ontwerpspesialis skep gedetailleerde modelle en fotorealistiese voorstellings. Só kan jy die ontwerp uit verskillende hoeke bekyk en die besonderhede saam met ons verfyn voordat die juweel gemaak word.
Sodra die ontwerp, spesifikasies en kwotasie goedgekeur is, vervaardig ons vakmense jou juweel met noukeurige aandag aan die konstruksie, setwerk en afwerking. Die besluite wat ons saam geneem het, word tot in die voltooide juweel deurgevoer.
INTERNASIONALE BESTELLINGS
Ons werkswinkel is in Knysna, maar ons kan begin gesels van waar jy ook al is.
Met ons 3D-ontwerpvermoë en fotorealistiese voorstellings kan ons juwele ontwikkel saam met kliënte wat nie persoonlik kan inkom nie. Ons bekyk die ontwerp saam, verfyn die besonderhede en bevestig die spesifikasies voor vervaardiging, met persoonlike kommunikasie deur die hele proses.
Ons bied ten volle versekerde aflewering binne Suid-Afrika en na talle bestemmings wêreldwyd. Doeanevrye aflewering is in sekere streke beskikbaar; die reëlings vir jou bestemming word as deel van die kwotasie bevestig.
Bespreek ’n internasionale bestelling’n Ongewone edelsteen, die lyn van ’n steen se setting of ’n detail wat jy lank in gedagte het, kan die ontwerp in ’n heel nuwe rigting stuur. Ons verken dit saam met jou en gebruik ons ervaring as ontwerpers en vervaardigende juweliers om ’n juweel met ’n eie karakter te skep.
SPESIALISDIENSTE IN ONS WERKSWINKEL
Hoe ’n juweel gemaak word, is net so belangrik soos die ontwerp. Ons werkswinkel verenig die oordeel van ervare vakmense met spesialistoerusting, sodat ons met sorg kan werk aan nuwe ontwerpe én juwele wat vir herstelwerk of verandering aan ons toevertrou word.
Met lasersweiswerk kan ons ingewikkelde spesialiswerk verrig waar ’n vlam nie gebruik kan word nie. Ons ondersoek eers die konstruksie en toestand van elke juweel en gebruik ons vervaardigingservaring om die gepaste werkswyse aan te beveel.
Ons bied lasergravering vir kliënte wat ’n persoonlike detail by hul juwele wil voeg. Bespreek die juweel en jou idee met ons, en ons sal jou oor die geskikte moontlikhede adviseer.
DIE VOLGENDE HOOFSTUK
Die betekenis van ’n juweel kan lank bly voortleef nadat jy dit laas gedra het. Ons luister na wat jy wil behou en ondersoek dan hoe geskikte diamante of edelstene in ’n nuwe ontwerp gebruik kan word wat vandag by jou pas.
Ons ondersoek bepaal wat behoue kan bly en hoe die nuwe juweel gemaak behoort te word. Waar jou goud as krediet teen ’n bestelling verreken word, gebruik ons nuwe goud om die legering en gehalte te beheer. Die krediet, materiale en hantering van die oorspronklike onderdele word in die kwotasie vasgelê.
Gee jou juwele nuwe leweOns beoordeel die geskiktheid, toestand van die edelstene en materiaal voordat ’n herontwerpvoorstel bevestig word.
Onder leiding van goudsmid en juweelontwerper Darryl van der Velde werk ons span vanuit Thesen Harbour Town in Knysna met kliënte regoor Suid-Afrika en die wêreld. Tydens ’n besoek kan ons saam na edelstene kyk, ’n ontwerp bespreek en jou voorstel aan die mense wat jou juweel sal maak.
Integriteit en kliëntetevredenheid lê aan die hart van hierdie verhoudings. Ons waardeer die vertroue wat groei uit deurdagte advies, duidelike kommunikasie en werk wat voldoen aan wat ooreengekom is, of dit jou eerste bestelling is of die volgende in ’n verhouding van baie jare.
’N PAAR DINGE WAT JY DALK WIL WEET
Jy kan ’n juweel by ons laat maak sonder om die Knysna-werkswinkel te besoek. Ons bespreek jou idees en voorkeure, ontwikkel die ontwerp met 3D-modelle en fotorealistiese voorstellings, en kom vooraf ooreen oor die spesifikasies, kwotasie en aflewering. Indien jy wel ’n besoek beplan, kan ons reeds voor jou aankoms begin saamwerk.
Ja, ons kyk graag daarna. Bring dit in, of stuur eers ’n paar foto’s. Ons bespreek wat jy wil behou en verander en verduidelik dan wat die beste vir die juweel sal werk.
Ons beoordeel elke herstelwerk of verandering afsonderlik en verduidelik die aanbevole werk, koste en tydsduur voordat ons begin. Lasersweiswerk maak ingewikkelde spesialiswerk moontlik waar ’n vlam nie gebruik kan word nie; ons bied ook lasergravering. Stuur gerus foto’s of bring die juweel in sodat ons jou kan adviseer.
Elke juweel verskil ’n bietjie. Sodra ons weet wat jy in gedagte het, gee ons jou ’n realistiese tydraamwerk. As jy Knysna besoek of ’n dringende sperdatum het, laat weet ons vroegtydig. Ons doen ons bes om jou planne te akkommodeer en sal duidelik wees oor wat ons kan regkry.
ONTWERP & VERVAARDIGING
Wanneer jy ’n juweel laat maak, word jy deel van die skeppingsproses. Ons help jou om die edelsteen, setting en keuse van silwer, goud of platinum te oorweeg, sodat die verhoudings en besonderhede deeglik uitgewerk is voordat vervaardiging begin.
+27 44 382 5026+27 64 520 9762
